Walang Puwang ang mga Kinatawan ng Pang-aapi at Henosidyo

Mariing kinokondena ng ThePILLARS Publication ang naging malugod na pagtanggap ng pamahalaang lokal ng Naga at ng Bicol University sa embahador ng Israel, sa gitna ng walang-habas na pananalasa ng estadong ito sa mga sibilyan, institusyong pang-edukasyon, at mamamahayag sa Gaza. Naninindigan ang publikasyon na walang puwang sa ating mga pamantasan at komunidad ang mga kinatawan ng pang-aapi, dahil ang laban para sa karapatang pantao at kalayaan sa pamamahayag ay hindi napipili at walang hangganan.